Ретрокөлікке айналған Prado 2017 жылы елмен қоштасып, кетпек болған. Бірақ осы уақытқа дейін өндіруші оны Жапонияның Хамура қаласындағы Hino Motors зауытында өз тұрғындары мен арабтар үшін аз-аздан шығарып келді. Енді компания басшылары 2006 жылы алғаш шыққан көлікті конвейерден мүлде алып тастау туралы шешім қабылдады.
«FJ Cruiser Toyota-ның бай тарихында ең белгілі жол талғамайтын көліктердің бірі ретінде өшпес із қалдырып, тарих қойнауына кетіп барады», — деді концерннің Таяу Шығыс пен Орталық Азиядағы бас өкілі Кей Фуджита.
Toyota FJ Cruiser Final Edition деп аталатын серия сарғыш шанағымен, қара радиатор торы, бампері, сыртқы көрініс айнасы, есік тұтқасы және қосымша қабымен ерекшеленеді. Комплектация құрамында басқыш пен 17 дюймдік алюминий дөңгелек те бар. Машина 270 ат күші мен 380 Нм момент беретін 4 литрлік V6-мен жүреді.
Жол талғамайтын көліктің 1000 данасы шығады. Клиенттерге жеткізу жыл аяғында басталады.
Темір тұлпардың Қазақстан үшін де маңызы зор. Біздің елде бұл көлікті жоғары бағалайтындар көп. Kolesa.kz-тен елуден астамын табасыз. Көбі жақсы жарақталған.
Комментариев: 0