Nikkei басылымы берген ақпаратқа сүйенсек, Toyota қатты денелі аккумулятор батареясының прототипін әзірлеу жұмыстарын аяқтауға жақын. Құрамындағы элементтердің тығыздығын арттыру арқылы мамандар қазіргі батареялардан екі есе қуатты жабдық жасайды, оның үстіне салмағы да артпайды.
Мұндай батареяның жүріс қоры 500 шақырымнан кем болмайды, әрі ол небәрі 10 минутта зарядталады. Тағы бір ерекшелігі — қатты денелі аккумулятор батареялары тез жана қоймайтын материалдар қатарында, бұл автокөліктің қауіпсіздігін арттырады.
Қатты электролиттің сынама партиясы келесі жылы Сайтама префектурасындағы цехта шығарыла бастайды. Ал Toyota-ның жаңа батарея орнатылған модельдері де сол уақтта жарық көреді.
Комментариев: 0