Toyota bZ SDN компания былтыр таныстырған электрлі концептілер арасында болды. Модельдің прототипі Қытайда сынақтан өтіп жүргенде көзге түскен. Сол кезде Tesla стиліндегі үлкен планшет пен жүргізушіден алыс орналасқан аспаптар панелі назар аудартып еді.
Ұзындығы — 4.7 метр, дөңгелек базасы 2.9 метр болатын седан bZ4X кроссоверімен бір платформаны бөліседі. Екеуінің күштік құрылымы да бірдей, 201 ат күшін (алдыңғы жетекті көлікке) және 215 ат күшін (толық жетекті көлікке) беретін электромотор мен сыйымдылығы 71.4 кВт·сағ батарея орнатылады. Жүріс қоры 400 шақырымға жетеді.
Toyota bZ5 2023 жылы конвейерге тұрады деген болжам бар. Алпауыт автоөндіруші алдағы жеті жылда нарыққа он бес түрлі электромобиль шығаруды жоспарлап отыр. Арасында шағын ситикар да, ірі SUV модельдер де болады.
Комментариев: 0