Toyota арзан пикабын жарысқа жіберді

Toyota Gazoo Racing-тің Таиландтағы бөлімшесі арзан Hilux Champ пикабының жарысқа арналған модификациясын әзірледі. Көлік стандарт моторын сақтап қалғанымен, жаңарған шасси және ерекше сырт келбет алды. Мұндай Hilux Champ сатылмайды, бренд оны жергілікті Super Pickup жарыс сериясы үшін арнайы жасаған.

Жарыс ережесі бойынша пикап зауыт орнатқан қозғалтқышымен қатысуы керек. Ол — 150 ат күшін және 343 Нм момент беретін 2.4 литрлік дизельді агрегат. Кейбір суретте үлкен радиатор көзге түседі, трекке арналған мотордың қуаты стандарт нұсқамен салыстырғанда артқан сияқты. Қозғалтқыш механикалық қораппен және артқы жетекпен үйлеседі.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Машина клиренсі төмен жаңа аспа, қауіпсіздік каркасы және арка кеңейткіші мен ауа өткізгіші бар ірі аэродинамикалық бастырықпен ерекшеленеді, компания тағы бірнеше бастырық әзірлеген. Тректегі суреттерден пикаптың артқы антиқанатын да көруге болады.

Super Pickup чемпионатында Toyota пикабы Ford Ranger, Mitsubishi Triton (L200) және Isuzu D-Max модельдерімен қатар сынға түседі. Super Series сериясының бір бөлігі болатын чемпионаттың соңғы жарысы желтоқсанда өтеді.