Toyota Alphard пен Vellfire буын алмастырды

Toyota Жапонияда төртінші буындағы Alphard пен Vellfire минивэнін таныстырды. Зауыттық индексі — H40. Екі нұсқа да заманауи платформаға ауысып, сырт пішіні мен салоны өзгерді. Мотор гаммасы да жаңарды, компания Vellfire-ға эксклюзив қозғалтқыш орнатты. Көліктің жергілікті нарықтағы бағасы 5.4 млн иеннен (шамамен 17 млн теңге) басталады.

Екі минивэн де TNGA-K платформасының бейімді нұсқасына ауысты. Шанағы 50 % қатайып, шу мен дірілді оқшаулау деңгейі жақсарды. Toyota есебі бойынша салон бұрынғыға қарағанда 30 % тыныш болады. Жақсарған аэродинамикасы да акустикалық жайлылыққа оң әсер етеді. Негізігі жабдықтар тізімінде аспадағы бейімделген амортизатор бар.

1 / 24

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 24

Alphard пен Vellfire көпке таныс стилистикасын сақтап қалды. Бірақ динамикасы жақсарып, бампері үлкейді, радиатор торы да көлемді бола түсті. Көліктердің бүйірі ортаңғы тірек тұсындағы фирмалық «қанаттан» арылды, оны толқын тәрізді сұлбаға ауыстырыпты. Vellfire үшін бренд күңгірт хромы бар арнайы нұсқа ұсынады.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Екі минивэннің өлшемі көп өзгерген жоқ (3 метрлік дөңгелек базасы өзгерссіз қалды, ұзындығына 50 мм қосылды). Екінші және үшінші қатардағы орындықтардың арқасы жіңішке етіп жасалғандықтан, салон әлдеқайда кең көрінеді. Екінші қатарға көлемді шынтақ тіреуіші бар кресло орнатыпты. Қымбат нұсқада олар электр көмегімен реттеледі, желдету және массаж функциясы бар, кей функцияны басқаруға арнайы сенсорлы панель орнатқан.

Салонның жолаушыларға арналған бөлігінің ерекшелігі — төбедегі үлкен консоль. Онда жарық плафоны, желдету дефлекторы мен климат басқару батырмасы орнатылған. Суреттен онда видео көруге арналған экран бар екенін байқауға болады. Консольдың жан-жағында пердешемен жабылған төбенің әйнек панельдері бар.

Тағы бір жаңалық — мініп-түскенде ыңғайлы болатын жылжымалы баспалдақ, биіктігі 220 мм ғана болады.

1 / 3

• 
• 
• 

1 / 3

Жүргізуші отыратын жерде үлкен тоннель, алдыңғы панель және екі экран тұр. 12.3 дюймдік экранды өзгеше тұғырға орнатқан. Alphard пен Vellfire салоны бір-бірінен кей бөлшектерімен ғана ерекшеленеді, бірақ буын алмасқан соң құрылымы айтарлықтай ерекшеленеді

Toyota Alphard-тың базалық нұсқасы 182 ат күші мен 235 Нм беретін 2.5 литрлік атмосфералы мотормен жүреді. Ол вариатормен жұптасады, толық жетек опция ретінде қолжетімді. Ал Vellfire-дың өз қозғалтқышы болады. Бұл нұсқа спорттық көлік есебінде жүреді, мамандар бұл жолы оның дизайнын ғана өзгерткен жоқ.

Vellfire жақсарған шанақ, жүріс бөлігінің басқаша параметрі және акселератор педалімен ерекшеленеді. Вэннің базалық нұсқасына 279 ат күші мен 430 Нм беретін 2.4 литрлік турботөрттік орнатады, ол вариатор 8 диапазонды автоматпен жұмыс істейді, ал толық жетек жүйесі үшін қосымша ақша төлеу керек.

Қымбат вэндердің күштік құрылымы бірдей. Ол — атмосфералы моторға негізделген гибрид құрылым. 250 ат күшіне ие, вариатормен жұптасады. Бұл нұсқада да толық жетек бар. Бірақ ол артқы осьтегі 54 ат күшіне ие мотормен бірге E-Four жүйесі арқылы жүзеге асады. Батареяның сыйымдылығы — небәрі 5 кВт·сағ.

Келешекте топтама сыйымдылығы үлкен аккумуляторы бар бензин-электрлі күштік құрылыммен толығады. Alphard-тың артқы қатарға әдеттегі диван орнатылған арзан түрленімі шығуы мүмкін.

Жаңа машина Жапониядан бөлек, Қытайда саудаға шықты. Аспан асты елінде минивэн жергілікті Crown брендінің бір бөлігі ретінде сатылады.