Қазақстан автобизнес ассоциациясы (ҚАБА) берген мәліметке сүйенсек, жаңа автокөліктердің сатылымы шілде айында 11 %-ға артты. Маусыммен салыстырғанда, қазақстандық дилерлер 6 183 дана жеңіл көлік пен жеңіл коммерциялық техника, 854 дана жүк көлігі, арнайы техника және автобус сатты. 2019 жылдағы жеті ай қорытындысы бойынша, отандық нарық өткен жылмен салыстырғанда 21 %-ға (39 115) артты. Қаңтар-шілде аралығында қазақстандықтар техника сатып алуға бір миллиардқа жуық АҚШ долларын жұмсаған.
Ең сұранысқа ие жеңіл автокөліктердің көшін шілдеде әдеттегідей Toyota бастап тұр. Оның 1 425 данасы (+16 %) сатылған. Ал жеті айда бұл маркаға тиесілі 8 066 дана (өткен жылмен салыстырғанда +19 %) көлік өз иесін тапты. 1 417 данасы (+7 %) шілдеде, ал 8 758 данасы (+23 %) қаңтар мен шілде аралығында сатылған Lada екінші орында. Hyundai да көш басындағыларды өкшелеп келеді. Шілдеде Қостанайда құрастырылған 1 384 (+2 %), ал жеті айда 7 394 (+81 %) автокөлік сатылды.
Комментариев: 0