Toyota 4Runner сияқты көліктің өзімен (жаңалары Қазақстанға жеткізілмейді, бірақ жүрілген көліктер көп) клиенттер көбіне таза асфальтта жүреді. Сондықтан жол талғамайтын көлік кроссоверге айналмай-ақ, жолаушыларға жайлылық сыйлауы қажет. Мамандар 4Runner TRD Sport-қа арналған X-REAS серіппелі аспасын дәл осы мақсатта жетілдірді. Ол амортизатор қаттылығын автоматты реттеуге қабілетті. Айқыш-ұйқыш жалғанған амортизаторлар көліктің басқарылуын жақсартып, бұрылғанда қисаюына жол бермейді.
Бағыттық тұрақтылық жүйесі бар жаңа бейімді аспа барлық TRD Sport моделіне орнатылған. Машина қатарластарынан капотындағы ауа тартқыш және дербес дизайндағы 20 дюймдік дөңгелегімен ерекшеленеді. Сыртқы декоры мен шанақтың түсі бірдей, салон қаптамасы контраст тігіспен және TRD логотипімен әрленген.
Алдыңғы оптикасы жарықдиодты. Моторы өзгерген жоқ — 274 ат күшіне ие (377 Нм) 4.0 литрлік бензинді атмосфералы V6 қойылған. Ол бес сатылы автоматпен жұмыс істейді.
Toyota 4Runner TRD Sport биыл күзде АҚШ-та сатыла бастайды. Ең төменгі бағасы — 45 мың доллар. Бұл 36.5 мың тұратын әдеттегі 4Runner-ден әлдеқайда қымбат.
Комментариев: 0