Ер адам Оралдағы Есенжанов көшесінде тұрған Renault Kaptur-дің артқы әйнегін сындырып, бейнетіркеуіш, өрт сөндіргіш, медициналық қобдиша мен ақшасы бар әмиянды ұрлап кеткен. Mgorod.kz хабарлағандай, осыдан кейін ол Ульяна Громова көшесіндегі үй ауласында тұрған тағы үш көлікті тонайды. Бұл жолы жалпы құны 180 мың теңгеден асатын екі бейнетіркеуіш, құрал-саймандар және ұялы телефонды алады.
Таңға жуық ол ВАЗ-2107 автокөлігінің есігі жабылмағанын байқап, машинаны айдап кеткен. Бірақ Сергей Тюленин көшесінде темір қоршауға соғылады. Ұры көлікті сонда тастап, ізін суытқан. Бірақ полицейлер оны тауып, қамауға алды. Орал тұрғынына қатысты Қылмыстық кодекстің188-бабы «Ұрлық» және 200-бабы «Автомобильдi немесе өзге де көлiк құралын жымқыру мақсатынсыз заңсыз иеленіп алу» бойынша сотқа дейінгі тергеу басталды. Оның мүлкі тәркіленіп, жеті жылға дейін түрмеге қамалуы мүмкін.
Комментариев: 0