Renault Ресейден кететінін ресми мәлімдегеннен кейін желіде АВТОВАЗ француз маркасының Duster сияқты кей моделін шығару құқығын сақтап қалды деген ақпарат тарады. Танымал кроссовер Тольяттиде жасалатыны туралы БАҚ өкілдері ғана емес, ресми тұлғалар да хабарлаған. Ол қатарда Самара облысының губернаторы Дмитрий Азаров болды.
Бірақ биыл көктемнен бері Тольяттиде «Дастер» өндірісі басталған жоқ. Жақында оның себебі де белгілі болды. АВТОВАЗ басшысы Максим Соколов Forbes басылымына берген сұхбатында 2025 жылы Lada Vesta-ға негізделген кроссовер шығатынын айтты, аталған модель Renault Duster алғысы келген тұрғындарға ұсынылады.
Соколов француз машинасын шығару экономикалық тұрғыда тиімсіз екенін айтады, өйткені санкция салқыны мен Renault-ға төлейтін 4 % роялти есебімен шығын көбейіп кетеді. Автоөндірісте табыс тым төмен, 4–5.5 % болатынын ескерсек, бұл шынымен тиімсіз екені анық.
Комментариев: 0