Жартылай өткізгіш тапшылығы мен Шанхайда жарияланған локдаунға байланысты Toyota Motor маусым айындағы өндіріс жоспарын 100 000 көлікке қысқартуға (850 мың машинаға дейін) мәжбүр болды, деп хабарлады Reuters. 25 мамырдан маусымның басына дейін Жапониядағы он зауытта 16 конвейер желісі тоқтайды. Бұл GR Yaris, Corolla, Land Cruiser, RAV4 және өзге де танымал модельдердің өндірісіне әсер етеді.
Бірақ Toyota өз мүмкіндігіне сеніммен қарап, осы жылға арналған өндіріс жоспарын өзгеріссіз қалдырды. 2022 жылы наурыздан келер жылы наурызға дейін компания 9.7 млн машина шығаруды жоспарлап отыр.
Комментариев: 0