Nikkei агенттігі берген мәліметке сүйенсек, Toyota Motor өз жеткізушілеріне сататын металл құнын өсірген. Сөйтіп тоннасына 40 мың иен (289 АҚШ доллары) қосылды.
Болаттың қымбаттауы — Toyota мен Nippon Steel металлургтері арасында өткен соңғы келіссөз нәтижесі.
Toyota бекіткен баға бүкіл нарыққа, әсіресе автомобиль саласына бағдар береді, өйткені компания елдегі аса ірі сатып алушы саналады. Ол металды өз өнімдеріне ғана емес, серіктесеріне де алады. Сондықтан алдағы уақытта Toyota, Lexus маркалары ғана емес, басқа жергілікті концерндер де өнім бағасын едәуір өсіруі мүмкін.
Жапонияда компаниялар шикізат пен энергоресурс бағасының шарықтауы, жеткізудің қиындауы секілді бірқатар мәселеге тап болды. Жапон валютасының құнсыздануы да жағдайды ушықтырып, өндірушілерді импортқа көбірек ақша жұмсауға мәжбүрледі.
Комментариев: 0