Tesla сайтында 1 қазанда өтетін жаңа Roadster-дің тұсаукесеріне дейінгі кері санақ басталды. Оны модельдің екінші буыны деуге болады, өйткені 2017 жылғы осы аттас концепт сериялы өндіріске шыққан жоқ.
Әу баста марка модельді Model S Plaid агрегаттары негізінде құрастырмақ болған. Кейін бұл идеядан бас тартып, өзіндік архитектурасы бар гиперкар жасауға бел буды.
Тизерге қарағанда Масктың Roadster-ге реактивті қозғалтқыш орнатамыз уәдесі жүзеге асатын сияқты. Бірақ мұндай түрленім сериялы өндіріске шығады деп нақты айту қиын. Reuters хабарлағандай, екі есікті модель суық газ үдеткішімен жабдықталады. Маск SpaceX пакеті бар Roadster небәрі 1.1 секундта жүзге дейін жылдамдық алатынын айтты.
2017 жылғы Tesla Roadster-дің прототипі
Қазір басты интрига премьераның форматы болып тұр: компания күллі әлемге ашық онлайн-трансляция жүргізе ме, әлде Roadster-ді Техастағы Вако полигонында таңдаулы қонақтарға ғана көрсете ме екен? Іс-шараға 2017 жылғы суперкарға алдын ала тапсырыс бергендер ғана қатыса алады.
