Шанхайдағы автосалонның ашылу сәтінде түсірілген видео желіде таралып жатыр. Автокөрмеге келген бойжеткен Tesla Model 3-тің төбесіне шығып, электромобиль тежегішінің ақауы туралы айқайлады. Оның жейдесінде де сол жайлы жазылған.
Күзетшілер қызды операторлар мен фотографтардың назарынан жасыру үшін қолшатырмен жабуға тырысты. Бірақ бұл мүмкін болмады. Осыдан кейін бойжеткенді көлік төбесінен сүйреп түсіріп, павильоннан алып кетті.
A female Tesla owner climbed on top of a car’s roof at the Tesla booth to protest her car’s brake malfunction at the Shanghai auto show Monday. The booth beefed up its security after the incident. pic.twitter.com/ct7RmF1agM
— Global Times (@globaltimesnews) April 19, 2021
Қытай тұрғынының бұл әрекетіне Model 3 тежегіші істен шығып, төрт туысының жарақат алуы себеп болған көрінеді. Ал Tesla электромобильдің барлық жүйесі қалыпты жұмыс істеп тұрғанын, апат кезінде көліктің жылдамдығы 120 км/сағ болғанын айтады.
Bloomberg ақпаратына сүйенсек, Tesla өкілдері шу шығарған қызды біледі. Компания бұл мәселені шешуге тырысып көрген. Тіпті автокөлікті тәуелсіз сарапшыларға тексертуді ұсынған. Соған қарамастан бойжеткен қайта-қайта наразылық білдіріп жүр.
Комментариев: 0