Tesla Model Y — әлемдегі № 1 бестселлер

Агрессивті баға саясатын ұстанған Tesla бұл шешіміне өкінбейтіні анық, өйткені Model Y саудасы бір жылда 64 % өсім көрсетті. Қазір марка шығарып жатқан көліктердің үштен екісі — дәл осы модель.

2023 жылы Model Y-дың 1.23 млн данасы өтіп, бұрынғы үздіктерді басып озды. Jato Dynamics берген мәлімет бойынша осы уақытқа дейін ешкімге дес бермеген Toyota RAV4 пен Corolla-ны 1.07 млн және 1.01 млн клиент таңдапты.

Қарт құрлыққа 255 мың Model Y жетуі оған Еуропада № 1  бестселлер атануға мүмкіндік берді. Бұл жолы ол Dacia Sandero, Peugeot 208 және VW T-Roc секілді танымал модельдерді артта қалдырды. Шанхайдағы зауыттан шыққан Model Y да Қытайда жақсы өтті. Мұндағы халық 456 мың электрокар кілтін алған.

Кей нарық әлі есеп берген жоқ, дегенмен нәтиже өзгере қоюы екіталай.