Tesla Model Q-дің тизерін көрсетті

Tesla басшысы Илон Маск инвесторларға арналған конференция шеңберінде 2025 жылы шығатын екі арзан модельдің бірінің суретін көрсетті. Бір суретте Model Y кроссоверіне ұқсас электромобильді көруге болады. Жаңа көлік Model Y-дың кішірейген нұсқасы болады және Model Q деп аталады деген болжам бар.

Маск екі жаңа модельдің өндірісі басталған соң ( екіншісі —Model 2) компанияның Америка, Мексика, Қытай және Германиядағы зауыттарында жылына бес миллион темір тұлпар шығаратынын айтты.

Жаңа машинаның техникалық сипаттамасы туралы әзірге Илон Масктың сөзінен ғана білеміз. Бизнесмен Model Q электрокарын 48 вольттық бүйірлік электрожүйемен және сирек металдарсыз, кремний карбидін 25 %-ке аз қолданып жасалған соңғы буындағы күштік құрылыммен жабдықтайтынын жеткізді. Басшы бір электромотор өндірісіне жұмсалатын ақша 1000 доллардан аспайды деді.