Tesla Model 3 раритет Mercedes-ке айналды

Калифорниялық S-Klub LA стартапы Tiffany 300 SL деп аталатын ерекше «кері рестомод» жасағаны туралы бейнеролик жариялады. Тюнерлер SEMA көрмесінде 1950 жылдың ортасындағы «шағала қанатына» ұқсайтын Tesla Model 3-ті көрсетті.

1 / 7

• 
• 
• 
• 
• 
• 
• 

1 / 7

Мамандар жоба үшін толығымен жұмыс істейтін электрокарды донор ретінде пайдаланған. Батареясы өзгермеді, бірақ шанағы мен салоны толықтай өзгерген. Model 3 платформасы аздап қысқарды, артқы орындықтар алынып, жаңа шанақ панельдермен жабдықталған. Бірде-бір түпнұсқа 300 SL зақымданбады. S-Klub ательесі 300 SL стиліндегі автомобильдерін бірнеше рет көрсетті және мұндай көшірмелер дайындауда үлкен тәжірибесі бар.

1 / 4

• 
• 
• 
• 

1 / 4

Tiffany 300 SL өте жалпақ 18 дюймдік дөңгелектері бар үлкейген дөңгелек аркасымен, хром ендірмелердің көптігімен және арнайы әзірленген аэродинамикалық элементтермен, шағын алдыңғы сплитермен ерекшеленеді. Купенің салонында Model 3-тен алған 15 дюймдік дисплей тұр, салоны толығымен көкшіл былғарымен қапталған, ал алдыңғы орындықтардың артында чемоданға арналған жанып тұратын орын бар.

Ерекше электрокарға Model 3-тің қай нұсқасы негіз болғаны айтылмады. Купе жартылай автономды басқару жүйесінің функционалын сақтап қалды. Tiffany 300 SL зауыттан шыққан камералармен және сезгектермен толық жабдықталған.

Винтажды көліктен электрокар жасайтындар Tesla бөлшектерін көп қолданады. Мысалы, АҚШ-та өткен жазда 50 жастағы Ford Econoline фургоны Model 3-тің қозғалтқышын алды, ал Ұлыбританияда 1970 жылғы Range Rover электрлі болды.