Электромобильдің дәстүрлі көліктен басым ететін бір қасиеті бар. Оның жұмысына ауаның азаюы әсер етпейді, өйткені көлікке оның қажеті де жоқ. Сондықтан планетадан тыс жұмыс істейтін техниканың бәрі электр жетекті.
Екі Қытай тұрғыны өздеріне тиесілі Model X пен Model Y-ды тауда сынап көрді. Аспан асты елінде америкалық марка көліктеріне сұраныс жоғары, «тесла» өз сегментінде үнемі үздіктер қатарынан көрінеді. Темір тұлпарын алыс жолға дайындаған соң жүргізушілер Тибетке жол тартты, ондағы мақсат Джомолунгма шыңын бағындыру үшін теңіз деңгейінен 5200 м биік орналасқан альпинистер лагеріне бару еді.
Ченду қаласынан шыққан туристер бес тәуліктен аса жол жүріп, 5476 шақырымды артқа тастаған. Соңына қарай мұз қатқан жолмен жоғары көтеріледі. Қос көлік те офф-роудер емес, бірақ Қытайда жол сапасы жоғары екенін ескерсек, оның қажеті де жоқ. Саяхатшылар пеш қосып, салонда түнепті, бұл батарея сыйымдылығын кәдімгідей төмендеткен.
Қызығы сол, аспан асты еліндегі ауылдарда да Tesla Supercharger қуаттау желісі бар екен, сондықтан жүргізушілер діттеген жеріне қиындықсыз жетті.
Комментариев: 0