АҚШ пен Канадада 2016 жылдың қазан айына дейін шығарылған 15 мыңға жуық Model X кроссоверлерін кері қайтару бойынша кампания басталды.
Мәлімет бойынша, сервистік қызметке жүгінуге рөлді күшейткіштің бекіту бұрандалары себеп болған. Олар қыста жолдағы реагент кесірінен жылдам істен шығатын көрінеді. Tesla мамандары бұл ақаудың ешқандай күрделі мәселе туындатпағанын, бірақ бұрандалар сынып кетсе күшейткіш істен шығатынын айтты.
Тізімге енген көлік иелерінің барлығына сервистік кампанияның басталғаны жайлы хабар беріледі. Механиктер электромобильдің бекіткішін тексеріп, арнайы коррозияға қарсы құралмен өңделген бұрандалар орнатады.
Естеріңізге сала кетейік, Tesla-ның осындай мәселеге ұшырауы алғаш рет емес. 2018 жылы компания 123 000 Model S-ті кері қайтарған болатын.
Комментариев: 0