BMW АҚШ-тағы 720 мыңнан астам машинасын сервиске шақырады

BMW-ның Америкадағы бөлімі 2012-2018 жылдары шыққан X топтамасындағы кроссоверлер мен 2, 3, 4 және 5-сериялы жеңіл көліктерін сервиске шақырады. Су помпасының электрлі ажыратқышынан су кетуі салдарынан ток қысқа тұйықталып, салдарынан өрт шығуы мүмкін. АҚШ-та 18 клиент шағымданыпты. Абырой болғанда, бәрі аман.

NHTSA компаниясы берген мәлімет бойынша кампания 720 796 автомобильді қамтиды, тізімде мына модельдер бар:

Модель	Шыққан жылы
BMW X1 sDrive28i / xDrive28i	2012–2015
BMW Z4 sDrive28i / xDrive28i	2012–2016
BMW 528i / 528i xDrive	2012–2016
BMW 328i / 328xi	2012–2016
BMW X5 xDrive 40e	2016–2018
BMW 228i / 228xi	2014–2016
BMW 428i / 428i xDrive	2014–2016
BMW 328xi Gran Turismo	2014–2016
BMW X3 sDrive28i / xDrive28i	2013–2017
BMW X4 xDrive28i / xDrive28i	2013–2017
BMW 428xi	2015–2016

4 қазанда көлік иелеріне марка дилерлеріне бару қажет деп жазылған хабарлама жолданады. Мамандар су помпасы мен ажыратқышты тексеріп, қажет болса ауыстырып береді. Одан бөлек қорғаныш экранын орнатады.

Әзірше тек АҚШ-тағы машиналар тексерістен өтеді, бірақ аталған модельдер басқа елдерде де аз емес. Мәселен, біразы Қазақстанда сатылды, тағы бір бөлігін жекелеген адамдар Америкадан алып келген. Техникалық акцияға қатысатын модельдердің тізімін дилер сайтындағы арнайы бөлімнен қарауға болады.

Комментариев: 0