Әкімшілік полиция комитеті 2022 жылғы 1 қыркүйекке дейін Қазақстанға келген шетелдік көліктерді заңдастыру туралы қаулыға өзгеріс енгізуді ұсынды. Полиция құжатқа кедендік тазартудан өткені туралы ақпарат жоқ автомобильді тіркеуге рұқсат беретін тармақ қосуды көздеп отыр. Ол бойынша көлік заңдастыруға қажет құжаттар тізімі мынадай болады:
«Өтініш беруші:
- көлікті бастапқы тіркеу үшін сұралатын алым мөлшерін қолдануға келісетіні туралы өтініш (бұдан әрі — өтініш);
- өтініш берушінің жеке басын растайтын құжат;
- көлік құралының паспорты (көлік құралы шассиінің паспорты) және (немесе) көлік құралын тіркеу туралы куәлік (бұдан әрі — тіркеу құжаты) (егер бар болса);
- көлік құралына меншік құқығын растайтын құжат» ұсынады.
Комитет қызметкерлері тіркеу құжатын жоғалтып алған жағдайлар кездесіп жатқанын, сол үшін қаулыға осындай өзгеріс енгізу қажет екенін айтады.
Демек құжатқа өзгеріс енген соң меншік құқығын растай алса, көлік заңдастыру үшін сатып алу-сату шартының өзі жеткілікті болады.
Мұндай жеңілдікті алаяқтар пайдаланып кетпей ме?
Комментариев: 0