Татарстан басшысы ең арзан «москвичті» көрсетті

Татарстан басшысы Рустам Минниханов Telegram-арнасында шағын кроссовердің краш-тестінен видео жариялады. Автор JAC зауытында жаңа «Москвич» моделі сынақтан өткенін жазыпты. Видеодан ол Қазақстанда JAC S3 Pro деп аталатын кроссовер екенін байқауға болады. Машинаның біздің елдегі ең төменгі бағасы — 9.59 млн теңге.

Бұл сынақты қонақтарға көрсету үшін өткізген сияқты, оны нақты краш-тест деуге келмейді. Кедергіге соғылатын кезде көліктің тым баяу жүргенін байқауға болады, оның үстіне сынақ нәтижесі жоқ. Соған қарамастан аймақ басшысы «қауіпсіздік жүйесі керемет жұмыс істеді» деп жазды.

Былтыр жазда «Москвич» зауытында (бұрынғы «Рено Россия» кәсіпорны) өткен салтанатты шарада сонда шығуы мүмкін модельдердің суреті жарияланған. Әу баста зауыт басшылары мұны жоққа шығарғанымен, «Москвич» топтамасына сол суреттегі машиналар еніп жатыр: JAC JS4 «Москвич 3» атанса, Sehol A5 Plus «Москвич 6» атауын алды. Бірақ онда JAC S3 болмаған. 2022 жылы ең шағын модель «Москвич 3» болды.

1 / 7

• 
• 
• 
• 
• 
• 
• 

JAC S3 Pro

JAC S3 Pro

JAC S3 Pro

JAC S3 Pro

JAC S3 Pro

JAC S3 Pro

JAC S3 Pro

1 / 7

Қайта жаңғырған марканың қарапайым әрі қолжетімді моделі шығуы әбден мүмкін. «Москвич 2» топтамадағы ең арзан машина болады деген болжам бар. Зауыт 2023 жылы 50 мың автомобиль шығаруды жоспарлаған, бірақ сәуірде небәрі мыңға жуық машина сатты.

Қазір ең арзан «москвич» 1 970 000 рубль (10.9 млн теңге) тұрады, JAC S3 Pro Қазақстанда бұдан біршама арзан. 4.3 метрлік машина 109 ат күшіне 1.6 литрлік мотормен жүреді, агрегат 6 сатылы механика немесе вариатормен жұмыс істейді, бағасы — 9 590 000–10 490 000 теңге.

«Москвич» зауытының басшылары топтамаға бюджеттік кроссовер қосылатыны жайлы ресми ақпарат берген жоқ.