Карантиндегі өмір қозғалысты барынша шектейді. Бұл шарадан Өзбекстан да шет қалмады. Көрші елде COVID-19 кеселін жұқтырғандар саны 149 адамға жетті.
Арнайы республикалық комиссияның шешімі бойынша 2020 жылдың 30 наурызынан 20 сәуірге дейін облыстар арасында, Ташкент, Нүкіс қалалары мен облыс орталықтарында тек мемлекеттік мекемелер берген арнайы рұқсатқағазбен ғана көлік жүргізуге болады. Жарияланған тізімнен көшеде тек медицина, құқық қорғау саласы мен апаттық-коммуналдық, курьерлік, қоғамдық тамақтану пошта қызметтері мамандарының және дипломаттардың ғана еркін қозғалатынын байқауға болады. Ал өзге азаматтардың жеке көлікпен көше кезуіне рұқсат жоқ.
Десе де рұқсатқағаз алғысы келгендердің саны Ташкенттің өзінде 10 мыңнан асса, облыстарда 6 мыңнан көп болған.
27 наурызда Өзбекстанда облысаралық қоғамдық көліктің жұмысы тоқтағанын ескерсек, көрші ел азаматтарының үйде отырмасқа амалы жоқ.
Мұндай жағдай әлемнің көп елдерінде болып жатыр. Мысалы, Аргентинада вирус жұқтырғандар саны өткен аптада жарты мыңнан асып, карантин режимін бұзған 938 жүргізуші көлігінен айырылды, ал Мәскеуде тәртіп бұзғандарға 50 мың рубльге дейін айыппұл салынады.
Комментариев: 0