Ташкентте қойма жарылды. Электромобиль қоймасы болуы мүмкін

28 қыркүйек таңғы сағат 3 шамасында Ташкент әуежайы маңында орналасқан қоймада жарылыс болды. Ресей БАҚ өкілдерінің нұсқасы бойынша СП ООО Interlogistics-ке тиесілі электромобиль және аккумулятор қоймасына найзағай түсіп, төтенше жағдай болды.

Өзбекстанның ІІМ жарылысқа найзағай себеп болғанын хабарлады. Десе де бұл батарея сақтаған қойма екенін ешкім растамады. Видеоға зер салсақ, сонша қуатты толқын соққысын электромобиль өртінен шыққан деу қиын. Жалын тұтанғаннан кейін жарылыс толастаған жоқ.

Қоймадағы зат түгел күлге айналыпты. Көрші жатқан ғимаратқа шарпыған өртті сөндіруге 16 арнайы техника келіп жетті. 3 мың шаршы метр аймақты шарпыған тілсіз жау толық ауыздықталды.

Қанша адам зардап шеккені және төтенше жағдайға нақты не себеп болғаны кейінірек белгілі болады. Компания өкілдері Gazeta.uz басылымына берген сұхбатында қоймаларда жарылғыш зат болмағанын, біріншісінде маргарин, сұйық май, майонез бен кетчуп сақталған тоңазытқыштар тұрғанын мәлімдеді.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Жергілікті БАҚ соққы толқынынан көп қабатты үйдегі ондаған пәтердің әйнегі сынып, Сіргелі ауданындағы «Курувчилар» («Құрылысшылар») тұрғын үй алабындағы ғимараттардың сырты бүлінгенін мәлімдеді. Үй ауласында жедел жәрдем көлігі қаптап тұр. Қорқып қалған тұрғындар машинада түнеген.

Бір қызығы әлемнің екінші бұрышында, Австриядағы Квинслендте де Tesla-ның литий батареялары сақталған қойма өртеніп жатыр. Жанғыш заттың түріне байланысты өрт сөндірушілер араласпай, өздігінен басылғанын күткен жөн. Бұл бірнеше күнге жалғасатын процесс. Тұрғындар ауадағы химияның иісін сезсе, терезені жауып отыру керек деді Guardian.