Tank 300 Қытайда 16.7 млн теңге тұрады

GWM өткен аптаның аяғында атауында Hooke Trail қосымшасы бар Tank 300-дің ерекше нұсқасына тапсырыс қабылдай бастады. Ол модельдің базасы ұзын түрленіміне негізделген және алдыңғы тәуелсіз аспаның орнына тұтас белдік алған. Tank ол кезде бағасын жарияламады, бірақ 10 мың юань депозит сұрап, алдын ала тапсырыс қабылдады.

1 / 7

• 
• 
• 
• 
• 
• 
• 

1 / 7

Енді Tank-тың аспан асты еліндегі ресми порталында бағасы пайда болды. Құны — 250 мың юань (16.7 млн теңге). Жергілікті басылым хабарлағандай, жаңа өнімді алу қиынға соғуы мүмкін, себебі алғашқы шектеулі партиясы (300 дана) сатылып кеткен. Бренд өндірісті жалғастыра ма, белгісіз.

Tank 300 тек алдыңғы осьтегі кесілмейтін белдікпен ерекшеленбейді. Машина шноркель, аспаның жүрісін 130 мм жақсартатын көлденең тұрақтандырғышпен жабдықталған. Беріліс саны, жүріс электроникасының параметрлері және т.б. өзгерді.

Клиренсі — 245 мм, кіру және шығу бұрышы — 41 және 36 градус. Стандарт Tank 300L-де бұл көрсеткіш — 38 және 33 градус. Tank 300 Hooke Trail тереңдігі 850 мм таяз суды кешіп өте алады.

Модельдің ресми парақшасында автомобильге диаметрі 35 дюймнен аспайтын шина орнатуға болады деп жазылған. Бұған дейін шасси мен трансмиссия 40 дюймдік дөңгелектерге бейімделген деген ақпарат тарады.

Hooke Trail 238 ат күшіне ие 2 литрлік бензинді турбомотормен жүреді. Қозғалтқыш 9 сатылы автомат, толық жетек жүйесімен жұптаса жұмыс істейді. 3 литрлік V6 агрегатымен қозғалатын модификация сертификат алды. Бірақ ол әзірге автосалондарда жоқ.