Tank 3 литрлік дизельді мотормен жүреді

Great Wall жол талғамайтын көліктері мен пикаптарына арналған күштік құрылым топтамасын кеңейтуді жоспарлап отыр. Аустралияның Мельбурн қаласында өткен GWM Tech Day конференциясында концерн Tank-ке арналған дизельді агрегат шығатынын хабарлады.

Компания қазіргі 2 және 2.4 литрлік дизельді қозғалтқышқа сұраныс деңгейін ескере отырып, жаңа мотор жасау туралы шешім қабылдады. Қозғалтқыштың көлемі үлкен, соның арқасында қуаты мен тарту күші артады. Great Wall ауаға зиян газ аз тарайтынын атап өтті. Бұл фактордың маңызды зор, өйткені дизельді көліктер шетелге аттанады. Көлемі артқанымен, бұрынғыдай 4 цилиндрлі болады.

Марка жаңа агрегатты алдымен Tank 500-ге орнатады. Кей нарықта — Cannon Alpha, кей елде Shanhai Poer деп аталатын Great Wall пикабына да қояды. Бірнеше Haval моделі көлемді турбодизель алады деген ақпарат бар.

Қозғалтқыштың тұсаукесері 2026 жылдың бірінші жартысында өтеді. Мұндай мотормен жүретін машина алдымен Аустралия жолдарына шығады.