Жол апаты 20 шілде күні Абылай хан мен Сланов көшелерінің қиылысында болды. Әлеуметтік желіде оқиға орнында түсірілген бейнежазба тарап кетті. Одан мопед тізгіндеген төрт жасөспірім Сланов көшесінен Абылай ханға қарай бағдаршамның жасыл түсі жанғанда жүргенін, ал той кортежі қызылға өткеніне қарамастан жылдамдықты азайтпағанын көреміз. Алдымен Toyota Camry бір мопедшіні қағып, артында келе жатқан көлік оның аяғын басып кеткен.
Он үш жасар райдер басы жарылып, сүйегі шығып, көптеген дене жарақатын алды. Дәрігерлер оның жағдайын өте ауыр деп бағалап отыр.
Полицейлер екі машинаны да айып тұрағына жіберді, жүргізушілер бөлімшеге баруға міндеттелді. Әкімшілік кодекстің 345-бабы 2-тармағы (денсаулыққа ауыр зардап әкелген көлік апаты) бойынша сотқа дейінгі тергеу жұмыстары басталды. Кінәлі деп танылған тарап 2000 АЕК айыппұл төлейді не 3 жылға жүргізуші куәлігінен айырылып, 2 жылға сотталады. Land Cruiser жүргізушісі мопедші көлік астына тосыннан түскенін және тоқтап үлгеру мүмкін болмағанын айтып ақталатыны анық. Бірақ оның ереже бұзғанына көз жұма қарауға болмайды. Куәгерлер кортеждің басқа да заңға қайшы әрекеттер жасағанын хабарлады.
Комментариев: 0