Mercedes-Benz E-Class мініп, жолдың қарсы бетімен жүйткіген ер адамның ұсталғанына бір апта өтпестен, полиция тағы бір «қаһарманның» қолға түскенін хабарлады. Алғашқысы сияқты ол да «ерлігін» видеоға түсіріпті.
Polisia.kz порталы хабарлағандай, оқиға Алматыдағы Немирович-Данченко көшесінде болған. Mercedes-Benz S-Class рөліндегі азамат қарсы бетке шығып, жолда апаттық жағдай туғызады, артынша бағдаршамның қызыл түсін елемей, Рысқұлов даңғылына кілт бұрылады.
Алматы қаласы ПД Жергілікті полиция қызметінің басшысы Манап Саттаров жүргізушінің атына Әкімшілік кодекстің 596-бабына сай хаттама толтырылғанын айтты. Сондықтан ол алты ай машина жүргізе алмайды. Одан бөлек тұрғын қауіпсіздік белдігін тақпағаны, қызыл түске өткені, апаттық жағдай туғызғаны және нөмірсіз жүйткігені үшін 100 мың теңгеден аса айыппұл төлейді.
Комментариев: 0