Биыл маусымда ҚР премьер-министрі 1 қыркүйектен бастап автомобиль импортын қиындататын кешенді шаралар әзірлеуді тапсырған. 4 тамызда өткен брифингте журналистер сауда және интеграция министрі Арман Шаққалиевтен үкімет осы арқылы елдегі автомобиль құрастыратын зауыттарға қолайлы жағдай жасап, тұрғындарды қымбат машина алуға мәжбүрлемекші ме деп сұрады. Министр жауабында заңсыз жұмыс істейтін «сұр» автодилерлерді қатаң жазалау қажет деді.
«Заңсыз жұмыс істейтін „сұр“ дилерлердің көлік сатуға мүлде құқығы жоқ. Біз оларды көлігі арзан деп ақтауға тырысамыз. Бірақ олар көп жағдайда
Оның айтуынша Қазақстанда көптеген жол апатына ескі әрі қайта жөнделген машиналар себеп болады. Сондықтан үкімет көлік саласындағы қауіпсіздікті қамтамасыз етуге ниетті. Қазір көптеген мемлекет ескі көліктен құтылу үшін оларды басқа елдерге, соның ішінде Қазақстанға жөнелтіп жатыр. Ал билік мұндай ескі машиналарды кіргізбеуге тырысады.
«Рөлі оң жақтан сол жаққа ауысқан ескі көліктерді көп көреміз. Үкімет тәртіп орнатып, қауіпсіздікті қамтамасыз етуге күш салып жатыр. Мұны автоөнеркәсіпті қолдау деп есептемеймін. Қазір Қазақстанда шығатын автомобиль бағасы бәсекеге қабілетті.
Министр импорттаушыларға қойылатын талапты күшейту ЕАЭО деңгейінде қол қойылған құжаттар бойынша жүзеге асатынын атап өтті. Қазақстан автомобиль импортын ретке келтіргісі келеді. Көлік құралы құрылымның қауіпсіздігі туралы куәлікті күмәнді схемамен рәсімдейтіндерге қарсы күрес күшейеді. Қазірге дейін елде машинаны те қағаз жүзінде сынақтан өткізген жеті зертхана жабылды.
Комментариев: 0