Suzuki алғашқы электрокроссовері eVitara-ны көрсетті

Suzuki алғашқы электрокары — шағын eVitara-ны көрсетті. Жаңа платформаға негізделген кроссовердің үш түрлі күштік құрылымы болады. 2025 жылы eVitara әлемнің бірнеше елінде жарық көріп, кейін Toyota-ның электрлі bZ топтамасының өкіліне айналады.

Suzuki eVitara-ның сырт пішіні марка былтыр қаңтарда Үндістанда таныстырған eVX концептісіне ұқсайды, бірақ одан кішірек. Ұзындығы — 4275 мм, дөңгелек базасы — 2.7 метр. Атауы ұқсас болғанымен қазіргі Suzuki Vitara-ның ұзындығы электрокардан 100 мм, ось арасындағы қашықтық 200 мм қысқа. Яғни жаңа өнім едәуір кең болады.

1 / 8

• 
• 
• 
• 
• 
• 
• 
• 

1 / 8

Дизайнерлер интерьерді көптеген ірі бөлшекпен әрлеп, жоғары технологиямен жабдықтаған. Мысалы, екі дисплейден тұратын үлкен медиажүйе экраны бар. Салоны қандай болатыны қазірше белгісіз.

Электрокар Heartect-e деп аталатын жаңа платформаға негізделген, оны жасауға Toyota және Daihatsu инженерлері атсалысты. Жаңа өнімнің базалық нұсқасы 49 киловатт литий-темір-фосфатты батареямен бірге жұмыс істейтін 144 ат күшіне ие мотормен жүреді. Сондай-ақ 174 ат күшін беретін мотор мен 61 кВт·сағ аккумулятордан тұратын күштік құрылым бар.

Толық жетек ең қымбат түрленімде ғана бар, ол артқы осьтегі қосымша 65 ат күшіне ие мотормен жабдықталған. Агрегат жалпы 184 ат күші мен 300 Нм береді әрі 61 киловатт батареямен жұмыс істейді. Марка eVitara-ның жүріс қоры қанша екенін жариялаған жоқ, бірақ электрокардың салмағы 1.9 тонна болады.

Кроссовер өндірісі Үндістандағы Maruti Suzuki зауытында келер жылы көктемде басталады. Suzuki-дің екінші электромобилі шағын әрі қолжетімді кроссовер атанады, бірақ ол қашан жарық көретіні белгісіз. Компания әу баста онжылдықтың аяғына дейін бес электрокар шығаруды жоспарлаған, бірақ қазір ойынан айнып қалды. Компания Қытайдан арзан бәсекелестер келіп, сауда төмендеп, электрокар нарығындағы жағдай өзгеріп жатқанын байқап отыр. Сол үшін Suzuki әліптің артын бағып, eVitara саудасы қалай болатынын күтеді.