Lexus топтамасында жол талғамайтын LX пен GX болса да, марка жолсыз жерде жүйткитіндер арасында аса танымал емес. Сондықтан компанияның «сайд бай сайдты» көрсетуі көпшілік үшін күтпеген жаңалық болды. Бренд бұл әрекетімен люкс машинамен де балшық кешуге болатынын тұспалдағысы келген сияқты.
Жаңа көлік сырт пішінімен ғана емес, моторымен де ерекшеленеді. Капот астына сутек арқылы жұмыс істейтін үш цилиндрлі мотор орнатылған, бұл оны экологиялық көліктер қатарына қосады.
Сериялы ROV қашан жарық көретіні белгісіз, дегенмен желіде оның өндірісі 2025 жылы басталады деген сыбыс тарады.
Айта кетерлігі, егер Side-by-Side нарығынан хабарыңыз болса, концептуалды Lexus-тың кейбір бөліктері таныс көрінуі мүмкін. Өйткені бұл көлік — өңі өзгерген Yamaha YXZ1000R. Қос модельдің туыстығы, әсіресе, жүргізуші орнынан байқалады. Анықтама ретінде: Yamaha YXZ1000R опциясыз 19.5-22.3 мың доллар аралығында сатылады.
Комментариев: 0