Суперкарға ұқсайтын 7-сериялы BMW

Mansory компаниясы әйгілі брендтің жетінші буын өкіліне арналған тюнинг-кит ұсынды. Әзірше ол айрықша аэродинамикалық бастырық пен жаңа дөңгелектерден тұрады, бірақ уақыт өте келе қатарға күші артқан қозғалтқыш қосылуы мүмкін.

Шеберлер модельдің алдыңғы бөлігіне ірі сплиттер орнатып, оптикасын карбоннан жасалған ірі ендірмелермен әрлепті. Седанның бүйіріне жаңа табалдырық қойып, айна корпустарын қосқан, ал алдыңғы қанаттарына үлкен ауа тартқыш орнатты. Артқы бөлігінде бірнеше спойлер мен ірі диффузор тұр.

Седан қара түске боялғанмен, қызыл элементтер өте көп. 22 дюймдік FD.15 дискілерінің де түсі дәл сондай. Mansory мамандары көлік интерьерінің суретін жария етпеді, бірақ әдеттегідей оны тапсырыс берушінің қалауына қарай өзгертетінін ескертті. Бағасы белгісіз.

Газ шығаратын төрт түтікке қарап, фирма көрсеткен экземпляр BMW 760i xDrive-қа негізделетінін аңғаруға болады. Бұл нұсқа 8 диапазонды автоматпен жұптасқан 4.4 литрлік V8-бен және 48 вольттық стартёр-генератормен жүреді. Жалпы қуаты 544 ат күшіне тең (760 Нм). Алғашқы жүздікті 4.2 секундта алады.

Компания күзде Mercedes-AMG S 63 E Performance седанының өздері жасаған нұсқасын таныстырған. Ол кезде флагман стилі ұқсас бастырықпен шектелмей, 880 ат күшін беретін 4 литрлік V8-бен жабдықталды. Тюнерлер алғашқы жүздікті еңсеру уақытын 2.8 секундқа дейін қысқартты.