JCOTY конкурсының 60 автожурналистен құралған қазылар алқасы күн шығыс еліндегі үздік автокөлікті анықтады. Нәтижесінде жазда таныстырылған Subaru Levorg 437 балл жинап, көш бастады, 320 және 300 балл алған Honda Fit пен Toyota Yaris екінші және үшінші орынды иеленді.
Журналистер жеңімпаздың мінсіз әрі тұрақты рөлі мен қозғалыс кезіндегі жайлылығын және қозғалтқышын жоғары бағалаған. 177 ат күшіне ие бензинді CB18 турбомоторы тыныш жұмыс істейді, әрі көлікті тамаша динамикамен қамтамасыз етеді. Қазылар алқасының пікірінше, бұл агрегат Subaru мамандарының мотор жасаудағы ең үлкен жетістігі.
Subaru EyeSight X жартылай автономды жүйесі де жоғары бағаға ие болды. Мүмкіндігі шектеулі автопилот жүргізушінің сағатына 50 шақырым жылдамдықта рөлді жіберуіне мүмкіндік беріп, қозғалыс жолағын өзі ауыстыра алады және бұрылыстар мен ақылы жолдағы төлем қабылдау бекеттерінде жылдамдығын бәсеңдетеді.
JCOTY 2020-2021 сайысындағы үздік он көлік мынадай балл алды:
- Subaru Levorg — 437 балл.
- Honda Fit/Jazz — 320 балл.
- Toyota Yaris/Yaris Cross/GR Yaris — 300 балл.
- Peugeot 208/e-208 — 141 балл (үздік шетелдік машина).
- Land Rover Defender — 105 балл (үздік жол талғамайтын көлік).
- Audi e-tron Sportback — 65 балл (инновациялық конструкция).
- Mazda MX-30 — 63 балла (үздік дизайн).
- Alpina BMW B3 — 25 баллов (үздік динамика).
- BMW 2-Series Grand Coupe — 24 балл.
- Nissan Kicks — 20 балл.
Комментариев: 0