Еуропада өтетін «Жыл көлігі» конкурсының баламасы саналатын NACTOY (North America’s Car, Truck, and Utility Vehicle of the Year) байқауының жеңімпаздары белгілі болды. Үздіктер үш категория бойынша таңдалды. Жүлдегерлер арасында электрокар, гибрид және дәстүрлі мотормен жүретін көліктер бар.
Байқауға АҚШ пен Канаданың 50 журналистен құралған қазылар алқасы төрелік етеді. Жеңіл авто арасында жыл көлігі — Toyota Prius/Prius Prime. NACTOY титулы Toyota брендіне 2004 жылдан бері бірінші рет беріліп тұр. Жаңа буындағы гибрид хетч Honda Accord пен Ioniq 6-ны артта қалдырды.
Қазылар алқасы зияны жоқ машина ретінде Kia EV9-ды таңдауды жөн көрді, бұл атаққа батареялы Genesis GV70 пен Hyundai Kona да таласты. Алғашқы үштікте Volvo-ның электрокары EX30 болған, бірақ компанияның өзі модельді конкурстан алып тастады. Volvo кроссоверді жеткізудегі кідіріс себебінен бұл жарысқа қатысу дұрыс емес деп шешті. Швециялық үміткерді финалға жете алмаған бәсекелесі Hyundai-мен алмастыруға тура келді.
Ford F-Series Super Duty үздік пикап атанды. Ford осы категорияда қатарынан төртінші рет жеңімпаз атағын алып отыр. Пикаптар арасында батареялы F-150 Lightning, Maverick және стандарт F-150 өткен жарыстарда жеңіп шыққан. Chevrolet-нің Colorado және Silverado EV моделі шорт-листке енді.
Біраз уақыт бұрын Toyota Prius Жапонияда жыл көлігі болған. Жақында «Еуропадағы жыл көлігі» конкурсының нәтижесі шығады, финалға жеткендер арасында Қытайдың екі моделі мен «Әлемдік жыл көлігі» бар.
Комментариев: 0