Subaru Forester Жапонияда жыл автомобилі атанды

2025–2026 жылғы «Жапонияның жыл автомобилі» (JCOTY) конкурсының қорытындысы шықты. Байқау 46-мәрте өтіп отыр. Subaru 2020 жылдан бері алғаш рет бас жүлдеге қол жеткізді. Жыл автомобилі атағы гибрид Forester-ге бұйырды. Мықтылар қатарында еуропалық екі бренд өкілі бар.

1 / 5

• 
• 
• 
• 
• 

1 / 5

Қазылар алқасы Forester-дің гибрид күштік құрылымын (2.5 литрлік оппозит мотор мен электрмотор), жайлы жүрісін, жол талғамайтын мүмкіндігін және динамикасын атап өтті. Машинаның электрондық көмекшілер мен эйрбэг жүйесін қамтитын қауіпсіздік технологиясы да жоғары бағаланды.

1 / 6

• 
• 
• 
• 
• 
• 

1 / 6

Forester қорытынды рейтингте Honda Prelude және Toyota Crown универсалынан озды. Бестікке Nissan Leaf пен Volkswagen ID. Buzz кірді. Соңғысы жапон нарығындағы ең үздік шетел автомобилі атанды. ID. Buzz заманауи үрдіс пен тарихи ерекшелікті ұштастырған дизайны үшін мақтау алып, Жапониядағы ең әдемі электрокар атағына қол жеткізді.

«Технология басты орынға шығып, айналадағының бәрі біркелкі болып бара жатқан дәуірде ID. Buzz автомобильдің эмоциялық құндылығы да өте маңызды екенін көрсете білді», — деді қазылар.

1 / 6

• 
• 
• 
• 
• 
• 

1 / 6

Биылғы байқаудың үшінші жеңімпазы — жаңарған Porsche 911 GTS (атақты спорткар алғаш рет гибридке айналған). Модель «Технологиялық мүмкіндігі ең жоғары автомобиль» атанды. Сарапшылар оның күштік құрылымы гибрид көліктердің дамуына жол ашты деп санайды, 911-дің экологиялық сипаттамасы да жақсарған.

1 / 6

• 
• 
• 
• 
• 
• 

1 / 6

Былтыр жыл автомобилі атағы Honda Freed-ке бұйырған. Ол кезде сутекті Honda CR-V — ең технологиялық модель, MINI Cooper — үздік импорттық автомобиль атанды. Үздік дизайн жүлдесін Mitsubishi Triton пикабы еншіледі.