Toyota Starlet 1973-1999 жылдары Жапония, Еуропа және Аустралияда сатылған. Сол аралықта бес буын ауыстырған үлгінің биыл алтыншысы жарық көрді. Бірақ көлік тек Африка құрлығындағы 47 елде сатылады. Оның үстіне оны Toyota деп айту қиын.
Toyota Starlet белгісінің астына төртінші буындағы Suzuki Baleno жасырылған. Соған ұқсас машина Үндістанда Toyota Glanza деген атпен саудаланып жатыр. Бұл автокөлік Toyota мен Suzuki серіктестігінің жемісі.
«Старлет» қақпағының астында 68 ат күшіне ие 1.4 литрлік бензинді қозғалтқыш тұр. Ол 5 сатылы механикамен және 4 сатылы автоматпен жұмыс істейді. 130 Нм момент алдыңғы дөңгелектерге беріледі.
Төртінші және бесінші буындағы Toyota Starlet-ті біздің жолдардан кездестіруге болады. Kolesa.kz-те онға жуық машина сатылуда. Бағасы 950 мың мен 1.5 млн теңге аралығында.
Комментариев: 0