Көліктің Невададағы 160-шоссенің алдын ала қоршалған бөлігімен екі рет жүріп өткендегі ең жоғары жылдамдығы есепке алынды. Оливер Уэбб тізгіндеген SSC Tuatara бір жаққа 484.53 км/сағ, ал кері қарай 532.93 км/сағ жылдамдықпен жүріп өтті. Орташа көрсеткіш (508.73 км/сағ) жаңа рекорд ретінде тіркелді. Айта кетерлігі, бұл темір тұлпар алдыңғы рекордшылар Koenigsegg Agera RS (446.97 км/сағ) пен Bugatti Chiron Super Sport-ты (490.48 км/сағ) кәдімгідей артта қалдырды.
SSC North America (Shelby SuperCars) мен Nelson Racing Engines мамандарының қолынан шыққан SSC Tuatara — салмағы 1246 келі болатын орташа моторлы және артқы жетекті купе. Машина карбоннан жасалған. Қосарлы турбоүрлемі мен жалпақ коленвалы бар 5.9 литрлік V8 моторы 7 сатылы роботпен жұптасып, бензинмен 1369 ат күшін, ал жарысқа арналған Е85 жанармайымен 1774 ат күшін береді.
Бағасы жиынтығына байланысты 1.6-1.9 млн доллар аралығындағы машина 2019 жылдан бері сатылып жатыр. Осы уақытқа дейін гиперкардың 100 данасы өз иесін тапқан.
Комментариев: 0