SOS батырмасы техникалық регламентке сай емес

2017 жылдың 1 қаңтарынан ЕЭО аумағында автомобильдер міндетті түрде шұғыл көмек көрсететін жүйемен жабдықталуы керек деген шешім күшіне енген. Ресейде бұл кешен ЭРА-ГЛОНАСС, ал Қазақстанда ЭВАК деп аталады. Мамандар Одақ аумағында жұмыс істеу үшін екі елдегі құралдар бірін-бірін алмастыруы керек деп ойлаған. Арада алты жылдан астам уақыт өткенде ЭВАК Кеден одағының «Дөңгелекті көлік құралдарының қауіпсіздігі туралы» техникалық регламентінің талаптарына толық сәйкес келмейтіні белгілі болды. Бұны көлік иелері мен сынақ зертханалары емес, Ресей Федерациясының Индустрия және сауда министрлігі айтты.

Ресейдегі электронды паспорттар жүйесінде ЭВАК дұрыс жұмыс істемейді деген ақпарат жарияланды. Онда сәйкессіздіктер тізімі көрсетілген. Осылайша Ресей көліктеріндегі шұғыл көмек құрылғысы мыналарды қамтымайды.

• ұялы радиотелефон желілерінде жұмыс істейтін дыбыстық модемді пайдалана отырып ақпарат тарату мүмкін болмаса, 20 секунд ішінде үндестік модемін пайдаланбау және қысқа мәтіндік хабарламаларды пайдалана отырып ақпаратты қайта жіберу (СМС);
• дыбыстық байланыс арқылы жұмыс істейтін үндестік модемін пайдалана отырып және GSM900 және GSM1800, UMTS900 және UMTS2000 стандарттарының ұялы радиотелефон желілерінде SMS арқылы ақпаратты қайта жіберу мүмкіндігі;
• жедел қоңырау аяқталғаннан кейін SMS түрінде екінші жедел қоңырау пәрменін алу және конфигурацияланатын уақыт ішінде екінші рет қоңырау шалу;
• арнайы байланыс құралдарын қоспағанда, жедел қоңырау шалу кезінде көліктегі басқа дыбыс шығару құралдарын өшіру;
• шұғыл қоңыраудан кейін 20 минут ішінде автоматты түрде жауап беру;
• құрылғының сынақ нәтижелерін жылжымалы радиотелефонның стандарт желілерін (GSM900 және GSM1800, UMTS900 және UMTS2000) қолданып жіберу.

Жоғарыда аталған КО ТР талаптарына сәйкес келмеуіне байланысты 2023 жылғы 12 маусымнан Ресейде ЭВАК профилі бар автомобильдерге электронды паспорт рәсімдеу тоқтапты.

Қазақстанда шыққан автомобильдерге көлік құралы құрылымының қауіпсіздігі туралы куәлік алудан қалай заңды түрде бас тартатыны белгісіз. Құжатты алып, тіркелген машиналардың не болатынын уақыт көрсетеді.

Шұғыл көмек батырмасының былықтары неге алты жылдан кейін ғана шықты?

Санкция енгеннен кейін Ресейге шетелден келген көліктердің көбеюі Қазақстандық SOS батырмаларына қызығушылықтың артуына және әлемдік автоөндірушілердің елден жаппай кетуіне себеп болуы мүмкін.

Қазақстандағы көліктердің SOS түймелері біз ойлағандай жұмыс істемейді. Kolesa.kz редакторлары жабдықты іске қосқаннан бері бірнеше жыл тәжірибе жасап жүр. Құрылғыны зерттеп, 2023 жылдың көктемінде соңғы рет егжей-тегжейлі сынап көрді. Шымкентте барлығы ойдағыдай өтті, ал Алматыда жүйе мүлдем жұмыс істемеді.