1969 жылы Мичиган штатындағы Уорренде өткен General Motors жетістіктеріне арналған «Progress of Power» көрмесінде XP 512E таныстырылды. Ол есігі алдында орналасқан екі адамдық капсула болатын.
Жаңа көлік көлемі жағынан (ұзындығы — 2.2 метр, ені — 1.4 метр) кейін шыққан Smart ForTwo (2.5 және 1.5 м) үлгісінен шағын болды. Корпусы фибергластан жасалғандықтан, XP 512E-нің салмағы 567 келіден аспады. Машинаға 84 вольттық аккумулятор мен 12 вольттық қосымша батарея орнатылды.
GM әзірлеген көліктің техникалық сипаттамасы керемет деп айту қиын, себебі 40 км/сағ жылдамдықпен ол 93 шақырым жүретін.
Батареясы жеті сағат қуатталатын XP 512E-мен жұмыс пен үй арасында қатынау техникалық жағынан қиын болмас еді, алайда жүргізушілер «мустанг», «камаро», «кадиллак» мінген заманда, қорапқа ұқсайтын шағын машинамен жүйткіп, күлкіге қалуға ешкім тәуекел етпеді. Оның үстіне, ол кезде қауіпсіздік жүйесі де мүлде болған жоқ.
Комментариев: 0