Škoda Kodiaq-тың екінші буынын таныстырды

Екінші буындағы Škoda Kodiaq-тың тизерлік кампаниясы соңына жетті. Бренд көпшілікке сырт пішіні жақсарған жаңа көлікті таныстырды. Мамандар алдыңғы екі қабатты жарық техникасын сақтап, оны әлдеқайда анық қылған. Жарықдиодты сызықпен бірігіп көліктің артқы жағын бойлай орналасқан шамдар жаңа стилистік шешім болды.

1 / 11

• 
• 
• 
• 
• 
• 
• 
• 
• 
• 
• 

1 / 11

Жаңа Kodiaq-тың дөңгелек базасы өзгерген жоқ (2971 мм). Бірақ ұзындығы 61 миллиметр (4758 мм) артып, ені 18 миллиметр (1864 мм), биіктігі 17 миллиметр (1659 мм) кішірейді. Бампер арасындағы қашықтық ұлғайып, жүксалғыш көлемі әлдеқайда артты. 5 орынды нұсқада жүксалғыш көлемі 910 литр (+75 литр), екінші қатардағы орындықты бүктесе 2105 литр болады. Үшінші қатардағы креслоны жайса, 7 орынды машинада көрсеткіш 340 литрге, ал түскен креслолармен 845 не 2035 литрге тең.

Салонда автомат кораптың селекторы жоқ. Инженерлер оны екі сымсыз қуаттағыш пен төрт стақан қойғыш тұрған орталық консоль үшін рөл колонкасына ауыстырыпты. Алдыңғы панельдегі 1.25 дюймдік дисплейі бар шайбалар үштігін айта кеткен жөн. Соңғысы температураны реттеуге, жылыту қарқыны мен креслоны желдетуді реттеуге жауап береді. Ортаңғысы баптауға келеді. Оған аудиожүйе дыбысын бақылауды, желдеткіш жұмысының деңгейін немесе ауаның бағытын реттеуді жүктеу ұсынылған.

1 / 10

• 
• 
• 
• 
• 
• 
• 
• 
• 
• 

1 / 10

Жүргізуші алдында 10 дюймдік цифрлы аспаптар панелі орналасқан, ал медиажүйе экраны қай нұсқа екеніне байланысты 10 және 13 дюймдік болып келеді. Опциялар тізімінен проекциялық дисплей, 14 динамигі бар Canton аудиожүйесін, массаж жасайтын креслолар мен басқаларды табасыз.

Екінші буындағы базалық Kodiaq-қа стартер-генератормен және 7 сатылы DSG-мен жұптасқан 1.5 литрлік бензинді турбомотор (148 а.к.) орнатқан. Агрегат алдыңғы жетек жүйесімен жұмыс істейді. Бір саты жоғары 201 ат күшін беретін толық жетекті 2 литрлік TSI орналасты. Дизельді қозғалтқыштар моножетекті (148 а.к.) және толық жетекті (190 а.к.) 2 литрлік агрегатпен жүреді.

Kodiaq моделінде алғаш рет қуатталатын гибрид модификация болады. Ол 1.5 TSI моторына негізделген. Күштік құрылымның қуаты 201 ат күшіне тең, ал 25.7 киловатт батареяның өзімен ғана жүріс қоры 100 шақырымды құрайды. Мұндай кроссовер тек алдыңғы жетекті болады және 6 сатылы DSG-мен жабдықталады. Сонымен қатар гибридтің жүксалғыш көлемі кіші екені белгілі, яғни 745 литр.

Жаңа Škoda Kodiaq 2024 жылдың басында шығады. Кроссовер Қазақстанға келетіні шүбәсіз. Бірнеше күн бұрын чех бренді біздің нарыққа оралуға дайындалып жатқаны белгілі болды. Топтамадағы модельдер жайлы ақпарат жоқ, бірақ «Кодиакқа» орын табылатыны анық. Себебі модельдің алғашқы буыны бұған дейін Қазақстанда жасалып, 2020 жылға дейін саудаланған.