Škoda-ға қатысы жоқ Octavia

Ringbrothers ательесі раритет Aston Martin тақырыбына сай жасалған ең күшті рестомодты таныстырды. Шеберлер 1971 жылғы DBS-ті толықтай қайта құрастырып, 805 ат күшіне ие мотор орнатты. Джеймс Бонд туралы оқиғаларды меңзейтін элементтер қосып, Octavia атауын берді. Жобаның бағасы айтылмағанмен, тек жалғыз данасы болатыны белгілі.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Ательенің Škoda брендімен байланысты атауды таңдауына әйгілі суперагент Джеймс Бонд туралы он үшінші фильм — «Сегізаяқ» (Octopussy) себеп болыпты. Жаңа V8-дің қақпағында Aston Martini деген жазу бар. Май сүңгісінің бокалға ұқсайтын тұтқасы 007 нөмірлі агенттің сүйікті сусынын еске салады.

1 / 6

• 
• 
• 
• 
• 
• 

1 / 6

Octavia-ның дизайны өзгеше карбон шанағы Roadster Shop шассиімен үйлесіп тұр. Оған Fox койловері мен арнайы әзірленген Ringbrothers иінтірегін қолданған. Шеберлер купені HRE ұсынған айрықша дөңгелек дискісімен сәндеді, ал тежеу жүйесіне Brembo-ның 6 поршенді механизмдері жауапты. Шанақ дизайны ғана емес, интерьер стилінде де DBS-ке тән дүниелер сақталған. Салондағы қорап селекторының тұтқасы мен тұрақ тежеуіші сияқты кейбір болат детальді 3D-принтер көмегімен басып шығарыпты. Күнқағарлар автоматты күңгірттеу функциясына ие.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Түпнұсқа қозғалтқыштың орнын Ford Performance моделіне тиесілі V8 басты, 5 литрлік агрегат 805 ат күшін береді. Ол үшін мотор ірі Harrop айдауышын, Holley-дің балама басқару блогын, түрленген коллекторлар алып, тағы біршама жақсарды. Сонымен қатар көлік Strange Engineering жасаған механика қораппен және артқы белдікпен жабдықталды.