Екі таңбалы көлік нөмірі 1.6 млн долларға бағаланды

RM Sotheby’s аукцион үйі Лондонда екі таңбадан тұратын 1F автомобиль нөмірін саудалайды. Сатушылар оны 800 мың мен 1.2 млн фунт арасында (1.07–1.6 млн АҚШ доллары) бағалап отыр. Егер осынша сомаға өтсе, Ұлыбритания тарихындағы ең қымбат мемлекеттік нөмір атанады.

Бұл нөмірді билік алғаш рет 1957 жылы Эссекс графтығында бір автомобильге берген. Оны таққан соңғы машина — Ferrari 812 GTS. Нөмір жайлы басқа дерек жоқ, тек алғаш рет ашық саудаға шыққаны белгілі.

1 / 4

• 
• 
• 
• 

1 / 4

Бұған дейін Ұлыбританияда ең қымбат автомобиль нөмірі 520 мың фунтқа (700 мың доллар) өткен. 1F нөмірінің сомасына Лондонның қымбат ауданынан жылжымайтын мүлік алуға болады.

Бірақ бұл сауда әлем рекордын жаңартпайды. Гиннестің рекордтар кітабына P-7 комбинациясы әлемдегі ең қымбат нөмір ретінде енген. Ол 2023 жылы Дубайдағы аукционда 55 млн дирхамға (15 млн доллар) өтті. Аукцион ұйымдастырушылар осы саудадан түскен ақшаны Дубай мен БАӘ басшылары құрған қайырымдылық қорына аударуға уәде еткен, сол себепті құны аса жоғары болған сияқты.