Сирек кездесетін BMW M3 200 мың доллар тұрады

RM Sotheby’s аукцион үйі тамыздың ортасында 1989 жылғы ерекше BMW M3-ті аукционға қояды. Сатушы E30 шанағындағы спорткарды 150-200 мың долларға бағалап отыр, ол АҚШ-тағы жаңа BMW M5-тен едәуір қымбат. Бұл бағаға автомобильдің жағдайы жақсы әрі сирек кездесетіні әсер етті, BMW мұндай купенің 480 данасын ғана шығарған.

1 / 11

• 
• 
• 
• 
• 
• 
• 
• 
• 
• 
• 

1 / 11

BMW Еуропадағы DTM сияқты түрлі жарысқа арнап спорткардың трек нұсқасын шығарды, сол кезде зауыт командасының ең белді мүшесі италиялық спортшы Джонатан Чекотто болған. Марка оның жетістігін ескеріп, 1980 жылдардың аяғында стандарт M3-тің арнайы түрленімін жасады.

Машина ерекше декорымен ғана емес, бірқатар техникалық мүмкіндігімен ерекшеленді. Мысалы, марка M3 Cecotto Edition-ға үлкенірек алдыңғы сплиттер, басқа антиқанат және 16 дюймдік BBS дөңгелек дискісін орнатқан. Сондай-ақ купе сәл қуатты қозғалтқышпен жүреді: 2 литрлік төрт цилиндрлі мотордың қуаты 215 ат күшіне жеткен, стандарт эмкада ол 195 немесе 200 ат күшін беретін.

1 / 9

• 
• 
• 
• 
• 
• 
• 
• 
• 

1 / 9

Сатылып жатқан спорткар 363-болып құрастырылған. Алғашқы иесі көлікті 1989 жылғы қазанда алып, 2015 жылға дейін мінген. Осыдан кейін купе бірнеше жыл қолдан қолға өтті, 2022 жылы раритетті қалпына келтірген сатушының көзіне түсті. М3-ті зауыттық күйіне келтіруге қанша қаржы жұмсалғаны белгісіз, бірақ аукцион ұйымдастырушылар 34.6 мың км жол жүрген машина әлі жаңа көрінетінін айтты.