Сирек кездесетін BMW 3.0 CSL суперкупесі сатылады

BMW бір жыл бұрын M4 базасындағы 3.0 CSL-дің жаңа нұсқасын таныстырған, марка суперкупенің 50 данасын ғана жасады. Солардың бірін RM Sotheby’s аукционы сатуға қойды. Биыл тамызда шыққан машина небәрі 33 км жол жүріпті. Модель сирек кездеседі, демек 800 мың-1.2 млн еуроға өтуі мүмкін.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

М бөлімшесі BMW 3.0 CSL-ді өзінің 50 жылдық мерейтойына арнап жасаған. Суперкар стандарт M4 платформасына негізделеді, бірақ одан біршама өзгешелігі бар.

3.0 CSL сырт пішіні карбоннан жасалған шанақ детальдері және түпнұсқа ливреяның арқасында модельдің тарихи бейнесін еске салады. Заманауи 3.0 CSL де 6 цилиндрлі мотормен жүреді. 560 ат күшіне ие агрегат 6 сатылы механика қорап және артқы жетек жүйесімен жұмыс істейді.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Барлық BMW 3.0 CSL Дингольфинг қаласында жасалған, әр машинаны 30 маманнан тұратын топ 10 күнде құрастырды. Саудаға шыққан экземпляр (44-машина) карбон-керамика тежеуіш, артқы көрініс камерасы бар медиажүйе және екі аймақты климат-бақылаумен жабдықталған.

Жаңа автомобиль неге аукционға шыққаны белгісіз. Сирек кездесетін модельді қайта сатып, ақша табуды көздеп отырған болуы мүмкін. BMW 3.0 CSL-дің ең төмен бағасы 600 мың еуро деген ақпарат бар.