Cирек кездесетін Nissan GT-R сатылады

Мюнхендегі RM Sotheby’s аукционында Nissan мен ItalDesign ательесі бірлесіп жасаған 18 дана Nissan GT-R50-дің 11-і саудаға түседі. 2021 жылы шыққан купені ешкім сатып алмаған, сондықтан автомобиль жаңа күйінде тұр. Машина 950 000–1 150 000 еуроға өтуі мүмкін, бұл әу бастағы тапсырыс берушіге арналған баға.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

GT-R50 — 2010 жылдардың аяғында модельдің өзі мен ItalDesign ательесінің жарты ғасырлық мерейтойын атап өту үшін шыққан. GT-R R35 негізіндегі спорткар донордан төбе сызығы төмен орналасқан италиялық стильдегі сырт пішіні және 720 ат күшіне ие (780 Нм) жаңарған 3.8 литрлік V6 моторымен ерекшеленді.

Мотор 6 сатылы робот және толық жетек жүйесімен жұмыс істейді. Жүріс бөлігінде Bilstein амортизаторы, Brembo тежеуіші және 19 дюймдік арнайы дөңгелек дискісі бар.

Мамандар әу баста 50 дана GT-R50 жасауды жоспарлаған, кейін бұл сан қысқарды. Коронавирус, кем дегенде 990 мың еуро тұратын бағасы сияқты бірнеше себепке байланысты 18 автомобиль ғана шықты. Оның біреуін тапсырыс беруші сол беті алмапты.

1 / 11

• 
• 
• 
• 
• 
• 
• 
• 
• 
• 
• 

1 / 11

Аукционға шыққан автомобиль гидравликалық жетегі бар артқы антиқанат, Liquid Silver шанақ түсі сияқты бірқатар қосымша опциямен жабдықталған. Егер клиент машинасын зауыттан алса, 1 050 000 еуро төлейтін еді. GT-R50 одометрі небәрі 191 км көрсетіп тұр. Автомобиль шыққаннан бері климаты реттелетін бөлмеде сақталған.

RM Sotheby’s әлемде алғаш рет мұндай күйдегі GT-R50 ашық аукционға шыққанын айтты.