Changan мен Huawei-дің жаңа седаны қандай болады

Huawei мен Changan негізін қалаған Deepal бренді L07 деп аталатын жаңа седанның суретін жариялады. Фотосуреттегі автомобиль Deepal-дың Қытайдағы тағы бір моделі SL03-ке ұқсайды. Марка бір-бірінен аумайтын екі седанды қалай сататыны қазірше белгісіз.

1 / 5

• 
• 
• 
• 
• 

1 / 5

Deepal L07 мен SL03-тің сұлбасы бірдей, жарықдиодты көлденең жарық пен логотипі бар артқы жағы да ұқсас. L07 басқа бампері және ауатартқышы бар алдыңғы бөлігімен ерекшеленеді.

Жаңа өнімнің өлшемі — 4875×1890×1480 мм, дөңгелек базасы — 2.9 метр. Демек L07 мен SL03-тің өлшемі бірдей, бірақ жаңа модель 55 мм ұзын болады.

Deepal топтама атауын өзгертуге дайындалып жатыр деген ақпарат бар, мұнда L әрпі седанды, ал S әрпі кроссоверді білдіреді, жаңа өнім алдымен жарық көреді. Екінші ақпарат бойынша екі модель қатар саудаға шығады. Бірақ бренд SL03-ті спорттық сипаты бар седан, ал L07-ні интеллектуалды автомобиль ретінде ұсынады. Оған Huawei-дің ең жаңа жартылай автономды басқару жүйесі орнатады.

Deepal L07-нің екі түрлі күштік құрылымы болады. Электрлі нұсқа 252 ат күшіне ие бір мотормен, гибрид 98 ат күшін беретін 1.5 литрлік дәстүрлі қозғалтқыш және 218 күшке ие электрлі мотормен жүреді. Екі жағдайда да седан литий-темір-фосфатты батареямен жабдықталады. Deepal L07-нің бағасы әлі белгісіз. Ал SL03 Қытайда 139 900 юань (8.6 млн теңге) тұрады.