Күдіктілер бөтеннің мүлкіне қол салуды осы жылдың қаңтар айында бастапты. Polisia.kz хабарлағандай, көліктердің бәрі аз ғана уақыт ішінде ұрланған. 4 ақпан күні осы қылмысқа қатысы бар деген күдікпен Түркістан облысы мен Шымкент қаласының тұрғындары құрықталды.
Қазіргі уақытта ұрланған машиналар тәркіленіп, күдіктілерге қатысты ҚР ҚК-нің 188-бабының 3-бөлігі, 1-тармағы бойынша сотқа дейінгі тергеп-тексеру жұмыстары жүргізілуде. Ұсталғандардың қылмысы дәлелденсе, мүлкi тәркiленіп, екі жылдан жетi жылға дейiнгi мерзiмге бас бостандығын шектеу, не сол мерзімге бас бостандығынан айыру жазасы кесілуі мүмкін. Шымкенттің мамандандырылған тергеу соты күдіктілерді екі айға қамауға алу туралы қаулы шығарды.
Анықтама ретінде: бүгінгі таңда kolesa.kz сайтында ВАЗ (Lada) 2114 орта есеппен 1 миллион теңгеге сатылып жатыр. Бағасы автокөліктің шыққан жылы мен техникалық жағдайына байланысты.
Комментариев: 0