Алматы облысының он сегіз жастағы екі тұрғыны көліктерді кілт таңдау арқылы не бұрағыштың көмегімен ашатын болған. Алматы Полиция департаментінің баспасөз қызметі хабарлағандай, олар қолды еткен көліктерін қала сыртындағы елсіз жерге апарып, «жарыс» өткізген. Айта кетерлігі, екеуінің де жүргізуші куәлігі жоқ.
Әбден айызы қанған соң қаскөйлер күл-талқаны шыққан көлікті қалдырып, табандарын жалтыратып отырған. Тек Алматы облысының өзінде олардың осыған ұқсас 12 қылмыс жасағаны анықталды, ал мегаполисте ұсталғандардың кемі екі ұрлыққа қатысы бары дәлелденді. Енді жас жігіттер ҚР ҚК-нің 200-бабы бойынша қылмыстық жауапкершілікке тартылады. Қазіргі уақытта олардың осыған ұқсас басқа да қылмыстарға қатысы бар-жоғы тексерілуде.
Комментариев: 0