Машинасы бүлінген жүргізушілердің бірі видео жүктеді.
Бейнетіркеуіш жазбасынан автомобиль Шығыс айналма жолдағы жаяу жүргіншілер жолағына жақындап бара жатқаны байқалады, өткелге жақын тұрған аласа бойлы адам көлікке қарай бірдеңе лақтырады, салдарынан алдыңғы әйнек шағылып қалған.
«Сәлеметсіздер ме, бүгін Шығыс айналма жолда жаяу жүргіншілер жарылғыш зат лақтырды. Алдыңғы әйнек шағылды. Бұл жағдай алғаш рет болып тұрған жоқ. Неге оларды ұстамайды?» — деп жазды ролик авторы.
Бұл жолда машина әдетте 80 шақырым жылдамдықпен жүретінін айта кеткен жөн. Мұндай әрекеттің соңы не боларын ойлаудың өзі қорқынышты.
Алматы қаласы Медеу ауданының полиция департамені Kolesa.kz редакциясына «Газель» иесінен арыз түскенін айтты. Тергеушілер оқиға орнына барып, жүргін бөліктен тас тапқан. Оны бұзақылар көлікке лақтырған болуы мүмкін. Қазір полиция тас атқыштарды тауып, жазаға тарту үшін тиісті жұмыс жүргізіп жатыр.
Комментариев: 0