Қырғызстандық блогер «ерлігін» видеоға түсіріп, әлеуметтік желіге жариялаған. Кадрдан Е-класс Mercedes-Benz тізгіндеген ер адамның көлікті сол аяғымен жүргізіп келе жатқанын көруге болады. Ал спидометр тілі 240 км/сағ межесінен асып кеткен.
Патрульдік милиция басқармасының баспасөз қызметі ереже бұзған тұрғын анықталып, оған бұзақылығы және белдік тақпағаны үшін 8500 сом (50 554 теңге) айыппұл салынғанын хабарлады. Машина айыптұрақта тұр. Ал блогер әдеттегідей камера алдында жұрттан кешірім сұрап, қауіпті әрекетін қайталамауға кеңес берді.
тек бір аяқпен айдағаны қызық екен, екі аяқпен айдамайдыма