Погон таққан «кәсіпкерлер» ешқандай емтихан тапсырмай-ақ, В және Е санатындағы жүргізуші куәлігін алуға көмектескені үшін жалпы сомасы 102 мың теңгені құрайтын пара алған. Брифинг барысында МҚІСЖҚА Қоғаммен байланыс жөніндегі департаментінің директоры Арман Бердалин парақорларға қатысты сотқа дейінгі тергеу шараларының жүргізіліп жатқанын айтты. Олар кінәларын толық мойындаған. Қазіргі таңда МҚІСЖҚА осы іспетті істерге қатысы бар полиция қызметкерлері мен көмектескіштерді жаппай анықтау шараларын жүргізіп жатыр.
Агенттік берген мәліметтерге сүйенсек, 2019 жылдың басынан Қазақстанда теориялық және практикалық емтихан қабылдамастан емтихан парақтарын заңсыз толтыру және автоинспекторлардың жүргізуші куәлігін беруімен байланысты 37 дерек анықталыпты. Криминалды тізімнің көш басында Ақтөбе облысы тұр. Мұнда 27 дерек тіркеліпті. Маңғыстауда — 8, Солтүстік Қазақстан облысында 1 дерек анықталған.
Комментариев: 0